Eyjamenn þurfa enn að bíða eftir fyrsta sigrinum

Leikurinn fór fram á Nuke þar sem Ármann tóku hnífalotuna. Ármann spilaði vörn í fyrri hálfleik og spilaði sínum spilum vel í skammbyssulotunni, sem þeir sigruðu. Ármann átti vægast sagt stórleik gegn Eyjamönnum, en ÍBV hafði engin svör við vörn Ármanns sem tóku fyrstu fimm loturnar. Loks sá ÍBV sína fyrstu sigurlotu í sjöttu lotu, staðan þá orðin 5-1. ÍBV náði að byggja á lotusigrinum og tók þrjár lotur til viðbótar, staðan þá orðin 6-3 og ÍBV alls ekki dottnir úr leiknum.

Ármann hélt þó áfram eins og liðið byrjaði og tók yfirhönd á leiknum. Eftir nokkra lotusigra var Ármann kominn með forystuna í stöðunni 8-3. Liðin skiptust á að taka lotur það sem eftir lifði hálfleiks en Ármann þó með forystu.

Staðan í hálfleik: 9-6

Ármann tók fyrstu lotu seinni hálfleiks eftir að ná sprengjunni niður á A-svæði Nuke. Sóknarspilið sem Ármann bauð Eyjamönnum upp á reyndist ÍBV ofviða og þeir tóku lotu eftir lotu. Ármann sigraði næstu sex lotur og kom sér á úrslitastig, en Eyjamenn klóruðu þá í bakkann og tóku nokkrar lotur til baka. Staðan var orðin 15-12 þegar Ármann fann loks sigurlotuna eftir heiðarlega tilraun ÍBV til að snúa til baka.

Lokatölur: 16-12

ÍBV situr enn á botni deildarinnar með núll stig en Ármann heldur sér í miðjuslagnum með tvo sigra og fjögur stig. Viðureign Ármanns og ÍBV gæti verið sú síðasta sem spiluð er í CS:GO í íslenskum rafíþróttum, en nýverið gaf Valve, útgefandi Counter-Strike leikjanna út CS2. CS2 mun því taka við af CS:GO en ekki er vitað hvenær breytingin kemur í rafíþróttakeppnir víðsvegar um heiminn.