Heiðar Helguson selur 200 fermetra glæsiíbúð

Heiðar býr með kærustunni, Margréti Ósk Brynjólfsdóttur, hárgreiðslumeistara, og hafa þau búið sér afar fallegt heimili þar sem jarðlita tónar, hrár viður og mínímalískur stíll mynda notalega stemmningu.

„Æðislega íbúðin okkar komin á sölu,“ skrifar Margrét og deilir eigninni á Facebook. Parið hefur verið saman síðan 7. júlí 2021.

Íbúðin er 203,6 fermetra að stærð á tveimur hæðum með sérinngangi í nýlegu fjölbýlishúsi. Á efri hæðinni er opið og bjart parketlagt alrými sem samanstendur af stofu, eldhúsi og borðstofu.

Eldhúsinnrétting er stílhrein með góðu skápaplássi upp í loft. Á borðum er slitsterk og hitaþolin borðplata úr dekton efni sem er framleiddur úr endurunnum steinefnum.

Samtals eru fjögur svefnherbergi, tvö baðherbergi, þvottahús og fimm fermetra búrskápur. 

Nánari upplýsingar um eignina má finna á fasteignavef Vísis.