Vertonet hélt sína fyrstu samkomu

Vertonet eru samtök kvenna í upplýsingatækni sem leggja áherslu á að skapa vettvang fyrir konur í margvíslegum störfum innan tæknigeirans. 

„Viðburðurinn fór fram í húsakynnum Sýn að Suðurlandsbraut. Þar tóku til máls þær Hulda Hallgrímsdóttir framkvæmdarstjóri nýsköpunar og reksturs, Snjólaug Haraldsdóttir deildarstjóri hönnunar, gagna og öryggis, Karen Sif Viktorsdóttir deildarstjóri hugbúnaðarþróunar, Kristjana Thors sjónvarpslausna og Díana Dögg Víglundsdóttir tæknilegur vörustjóri stafrænna dreifileiða sem kynntu fyrirtækið og þá tæknilegu breytingar- og sóknarvegferð sem Sýn er á,“ segir í tilkynningu frá Vertonet.

Þess má geta að Vertonet heldur úti hlaðvarpi þar sem tekin eru skemmtileg og fróðleg viðtöl við konur í tækni, farið yfir þeirra bakgrunn og störfin innan tæknigeirans á Íslandi.

Vísir er í eigu Sýnar.