Á­kærður fyrir til­raun til mann­dráps við Breið­holts­laug

Í ákæru sem fréttastofa hefur undir höndum kemur lítið annað fram um málið, nema að blað hnífsins sé 8.5 sentímetra langt, og að brotaþolinn hafi hlotið áverka þó þeir væru ekki tilgreindir.

Það er héraðssaksóknari sem höfðar málið sem verður til umfjöllunar í Héraðsdómi Reykjavíkur. Brotaþolinn krefst 2,5 milljóna í miskabætur af meintum árásarmanni.

Atvikið sem málið varðar átti sér stað um hádegisleytið þann átjánda október árið 2021.

Greint var frá málinu í fjölmiðlum samdægurs, en þar kom fram að brotaþolinn hefði verið fluttur af vettvangi með sjúkrabíl. Hann hafi verið með meðvitund þegar það gerðist, en þó var tekið sérstaklega fram að málið væri alvarlegt.