Meistararnir höfðu betur gegn ÍA í framlengingu

Leikurinn fór jafn af stað en staðan var 3-3 eftir 6 lotur. Sókn ÍA fór þá að missa móðinn en Atlantic tóku fjórar lotur í röð og komust í 7-4. Brnr og Hugo leiddu fellutöfluna þá með 15 og 14 fellur en ÍA náðu að halda sér í leiknum og sigruðu tvær lotur í viðbót fyrir hálfleik.

Staðan í hálfleik: 9-6

Atlantic hóf seinni hálfleik betur og komu sér í 10-6 með sigri í skammbyssulotunni. Eftir að sigra eina lotu í viðbót misstu Atlantic forskotið sitt niður drjúglega, en ÍA náði að jafna leikinn eftir afar góðan kafla með ÍA-inginn Midgard fremstan í flokki. Staðan var því orðin 11-11 í 22. lotu og allur byr kominn í segl ÍA-manna.

Sagan var þó hvergi nærri búin þar sem hvorugt liðið náði að finna taktinn til að sigra leikinn í venjulegum leiktíma. Eftir spennandi lotur þar sem ÍA komust í stöðuna 13-15 fann hvorugt lið þó náðarhöggið og leikurinn fór því í framlengingu.

Staðan eftir venjulegan leiktíma: 15-15

Eftir að halda haus í seinni hálfleik reyndist ÍA um of að klekkja á Atlantic-mönnum en ÍA sigruðu aðeins eina lotu í framlengingu Atlantic sigruðu því viðureignina eftir æsispennandi leik. Midgard toppaði fellutöflu leiksins með 38 stykki en dugði það ÍA þó ekki til sigurs.

Lokatölur: 19-16

Atlantic færast því upp í sjötta sæti deildarinnar með 8 stig en ÍA eru enn í því áttunda með aðeins 4 stig.