Ein af íþróttahetjum Dana lést á 101. aldursári

Holst-Sørensen, sem fæddist 19. desember 1922, lést í gær eftir stutt veikindi.

Holst-Sørensen var ekki aðeins þekktur fyrir afrek sín á frjálsíþróttavellinum því hann var var líka lengi meðlimur í Alþjóða Ólympíunefndinni.

Holst-Sørensen varð Evrópumeistari í 400 metra hlaupi á EM í Osló 1946 en hann vann einnig silfur í 800 metra hlaupi á sama móti.

Hann náði því að verða danskur meistari í báðum greinum fimm ár samfellt frá 1943 til 1947. Alls vann hann átján danska meistaratitla í frjálsum íþróttum.

Holst-Sørensen var einnig hermaður og svo yfirhershöfðingi í danska flughernum í tólf ár frá 1970 til 1982.

Holst-Sørensen varð meðlimur í Alþjóða Ólympíunefndinni árið 1977 og gegndi þeirri stöðu til ársins 2002. Hann var síðan heiðursmeðlimur frá árinu 2002. Einn annar Dani hefur fengið þann heiður en það er Friðrik Krónprins.