Åge Hareide: Svartur fimmtu­dagur fyrir Ís­land

„Við komumst yfir og það var vel gert hjá okkur en ég held að allt hafi breyst við VAR atvikið þegar vítið var dæmt. Það leit mjög illa út. Ég sá sama skjáinn og dómarinn en Kristian er á boltanum og Slóvakinn kemur aftan að honum, snertir löppina á Kristian og dettur. Dómarinn ákvað að þetta væri víti en ég veit ekki með það,“ sagði Åge mjög svekktur með ákvörðun dómarans áður en hann sneri sér að frammistöðu liðsins.

„Í seinni hálfleik þá vorum við alls ekki góðir. Við þurftum að hrista upp í öllu liðinu og setja Aron inn sem er ekki í leikformi en hann er leiðtogi og getur stýrt vörninni og þetta varð allt mikið betra eftir að hann kom inn á. Strákarnir gerðu vel í því að skora mark eftir að vera komnir 4-1 undir en það eru allir að bíða eftir svörtum föstudegi en þetta var svartur fimmtudagur fyrir Ísland í dag. Við náðum engum árangri í dag og það er á mín ábyrgð. Ég vel liðið og stilli upp.“

„Ungu leikmennirnir þurfa líka að læra að tapa. Ég var búinn að ákveða það að Ísak og Kristian myndu skipta með sér leiknum þannig að það var engin önnur ástæða fyrir þeirri skiptingu. Þeir þurfa líka svona reynslu en þetta er ekki leiðin til að byggja upp sjálfstraust en við verðum að reyna að gera það því það eru mikilvægir leikir í mars.“

Eru kannski dýpri rætur fyrir vandamáli liðsins en það sýndi í kvöld?

„Ég veit það ekki. Við komumst 1-0 á útivelli gegn þessu liði sem við áttum í fullu tré við á Laugardalsvelli en ég held að VAR atvikið kom öllum í uppnám. Það var samt algjör vitleysa hvernig við byrjuðum seinni hálfleikinn. Við vorum ekki til staðar. VAR atvikið var pirrandi og ég er á móti þessu en dómararnir vilja hafa þetta og skoða þetta til að geta tekið ákvörðun sjálfir en dómarinn var fínn í heild sinni en þessi ákvörðun var ekki Íslandi í hag í dag.“

Viðtalið má sjá í heild sinni í myndbandin að neðan en hann talaði um meiðsli leikmanna og vöntun á íslenskum varnarmönnum.