Vinnu- og öryggis­­fatnaður í hæsta gæða­­flokki hjá Sindra

Í boði eru vönduð gæðamerki, til dæmis eldvarnarfatnaður frá Tranemo, öryggisskór frá Vismo, Bata og HKSDK. Helsta vörumerkið er þó Blåkläder sem hefur notið mikilla vinsælda hérlendis undanfarin ár að sögn Ólafs Hafsteinssonar, viðskiptastjóra vinnufata hjá Sindra.

„Við bjóðum upp á mikið úrval vinnufatnaðar sem hentar öllum greinum iðnaðar auk einstaklinga. Hvort sem um er að ræða starfsfólk í iðnaði, í jarðvegsvinnu, í vöruhúsum, í virkjunum eða starfsfólk í álverum og annarri stóriðju; Sindri hefur þetta allt saman. Sindri þjónustar því allar stærðir fyrirtækja sem þurfa á vinnufötum að halda. Svo má ekki gleyma því að fjöldi einstaklinga er að sinna ýmissi vinnu heima fyrir, í bústaðnum eða í bílskúrnum en þessi hópur kemur líka mikið til okkar.“

Mikil áhersla er lögð á að bjóða aðeins upp á bestu gæði að sögn Ólafs. „ Þegar kemur að vinnufatnaði er það auðvitað það sem skiptir öllu máli. Þar má meðal annars nefna að við bjóðum upp á eilífðarábyrgð á saumum á vinnubuxum frá Blåkläder. Það eru sjálfsagt fá fyrirtæki sem bjóða upp á slíka ábyrgð hér á landi.“

Blåkläder, sem er sænskur framleiðandi, á sínar eigin fata- og skóverksmiðjur og ráða því alfarið framleiðsluferlinu sem þýðir að þau velja efnin sjálf og þróa vörur sínar áfram. Þetta gerir þeim kleift að bregðast skjótt við breyttum þörfum og koma með nýjar vörur á markað „Það er ein helsta ástæða þess hve Blåkläder er sterkt á þessum markaði.“

Ólafur leggur einnig áherslu á að Sindri býður upp á vinnuföt fyrir bæði kynin. „Við erum ekki að bjóða upp á „unisex“ vinnuföt heldur einfaldlega bæði kvenna- og karlasnið. Vinsælustu vörurnar hjá okkur eru til í báðum sniðum og ættu því allir að finna eitthvað sem hentar þeirra líkamsbyggingu.“

Einn liður í góðri þjónustu Sindra þegar kemur að vinnufötum er að merkja þau á staðnum. „Starfsfólk fyrirtækja kemur til okkar, velur þann fatnað sem hentar þeirra vinnu og getur mátað á staðnum. Meðan við merkjum fatnaðinn þá slakar fólkið á yfir einum heitum og ilmandi bolla á kaffistofunni. Þetta sparar auðvitað mikinn tíma og fyrirhöfn því þá þarf einstaklingurinn ekki að koma aftur síðar til að sækja merktu vinnufötin sín. Einnig eru fyrirtæki sem senda inn pantanir beint á starfsmenn Sindra og getum við því afgreitt þær á mjög skömmum tíma.“

Gæði vinnufatnaðar hefur tekið miklum framförum á undanförnum árum að sögn Ólafs. „Nú er starfsfólk byrjað að leggja meiri kröfur á þægindi í vinnufatnaði og er því orðið mjög algengt að valdar séu buxur sem eru allar úr teygjanlegu efni. Þær veita hámarks hreyfanleika og þægindi fyrir þann sem klæðist fatnaðinum. Áður fyrr var fólk sett í nánast hvað sem er, en undanfarin ár hefur þetta breyst mikið. Greinilegt að fyrirtæki leggja mikið upp úr því að starfsfólki líði sem allra best í vinnunni og klæðist fatnaði sem hentar þeirra starfi. Ef fólki líður betur verða afköstin um leið miklu meiri.“

Sindri selur vinnufatnað og verkfæri í verslun sinni á Smiðjuvegi 11 í Kópavogi. Einnig má nefna að Sindri hefur starfsstöðvar víðsvegar um landið, þar má nefna á Akureyri, á Selfoss og í Keflavík. Vörur Sindra eru einnig fáanlegar í Johan Rönning á Reyðarfirði.

Sjá nánar á sindri.is.