Rakel hitti í mark hjá öllum nema Bríeti sem var kölluð Skúli fúli

Rakel Björgvinsdóttir flutti lagið Creep með Radiohead og gerði það einstaklega vel. Dómararnir voru allir yfir sig hrifnir, allir nema Bríet sem sagði að eitthvað vantaði upp á túlkun hennar á laginu.

Það fór í taugarnar á Herra Hnetusmjör sem bauð áhorfendum í salnum að púa á Bríeti og kallaði hana svo Skúla fúla eftir að Rakel var farin af sviðinu.

Hér að neðan má sjá flutninginn sjálfan en áskrifendur geta horft á þáttinn í heild sinni á Stöð 2+ og í frelsiskerfi Stöðvar 2.