Elfsborg stað­festir kaupin á Eggerti Aroni

Hjá Elfsborg hittir Eggert fyrir landsliðsmarkvörðinn Hákon Rafn Valdimarsson, sem var valinn besti markvörður sænsku úrvalsdeildarinnar á síðasta tímabili, og Svein Aron Guðjohnsen. Elfsborg tapaði fyrir Malmö í úrslitaleik um sænska meistaratitilinn í lokaumferð deildarkeppninnar.

Þrátt fyrir að vera aðeins nítján ára hefur Eggert leikið 65 leiki í efstu deild á Íslandi og skorað sautján mörk. Tólf þeirra komu á síðasta tímabili þegar Eggert var valinn besti ungi leikmaður deildarinnar.

Eggert gæti leikið sína fyrstu A-landsleiki þegar Ísland mætir Gvatemala og Hondúras í tveimur vináttulandsleikjum í Bandaríkjunum í næstu viku.