Fíla­beins­ströndin Afríku­meistari eftir endur­komu

Nígería tryggði sér sæti í úrslitaleiknum eftir sigur á Suður-Afríku í undanúrslitum en vítaspyrnukeppni þurfti til að skera úr um sigurvegara. Lið Fílabeinsstrandarinnar fór nokkuð óvænt í úrslit en liðið lagði Kongó í undanúrslitum.

Leikurinn í kvöld var fínasta skemmtun og það var Nígería sem átti fyrsta höggið þegar William Troost-Ekong skoraði á 38. mínútu leiksins.

Staðan í hálfleik var 1-0 en í síðari hálfleik komu heimamenn með endurkomuna sem þurfti til að tryggja sér titilinn. Franck Kessie jafnaði í 1-1 þegar hann skoraði eftir hornspyrnu og framherjinn Sebastien Haller var hetjan og skoraði sigurmarkið á 81. mínútu.

Didier Drogba tapaði sér í stúkunni þegar hans menn komust yfir og mun örugglega vera í eldlínunni í fagnaðarlátunum í kvöld.

Þetta er í þriðja sinn sem Fílabeinsströndin vinnur Afríkumótið en þeir unnu árið 1992 og síðan árið 2015 með þá Kolo og Yaya Touré í aðalhlutverki.