Lífið

Vill bæði geta verið skvísa og gæi

Dóra Júlía Agnarsdóttir skrifar
Binni Glee er viðmælandi í Einkalífinu.
Binni Glee er viðmælandi í Einkalífinu. Vísir/Hulda Margrét

Raunveruleikastjarnan og áhrifavaldurinn Binni Glee sló upphaflega í gegn á samfélagsmiðlinum Snapchat þar sem hann var að sýna frá förðun. Binni segist ekki hafa séð marga stráka mála sig á þeim tíma en segir fjölbreyttar fyrirmyndir skipta miklu máli. 

Binni Glee er viðmælandi í Einkalífinu en hér má sjá viðtalið í heild sinni: 

Á eftir að sýna allar sínar hliðar

Binni segist ekki láta álit annarra stoppa sig af. 

„Ég pældi ekki mikið í því í byrjun en svo fór ég að fá skilaboð þar sem fólk var til dæmis að nota hommi sem niðrandi orð, sem er náttúrulega ekki í lagi. Fyrir utan það hef ég bara fengið ótrúlega mikla ást og ég er ótrúlega þakklátur fyrir það. Ég var aldrei lagður í einelti og það sást alltaf að ég væri hommi.“

Þó segist Binni ekki alltaf eiga auðvelt með að vera hann sjálfur.

„Nei, það er alveg erfitt. Mér finnst það enn low key erfitt. Ég er bara svo feimin manneskja og með svo mikinn félagskvíða. Mér finnst ég ekki ennþá vera búinn að sýna alveg mig allan.“

Fann sjálfan sig í gegnum Internetið

Síðasta sumar kemur Binni sömuleiðis út sem kynsegin og notast við eftirfarandi fornöfn: 

„Ég nota hann, hún og hán en ég nota samt mest hann. Ég hef alltaf verið hann, mér finnst það bara léttara og allir hafa kallað mig hann allt mitt líf. Mér finnst það bara þægilegt og ég þarf ekki að nota eitthvað ákveðið fornafn. Þið megið kalla mig hvað sem er.“

Aðspurður hvernig ferlið var svarar Binni:

„Eitt kvöldið þá var ég að velta fyrir mér hvort ég væri trans. Ég vissi alveg að ég væri samkynhneigður en mér fannst vera eitthvað meira. Ég var að FaceTime-a vin min og fer á google að leita að orðum og skilgreiningum.

Ég sé non-binary og les aðeins um það. 

Ég var bara vá þetta er ég. Það er eins og ég hafi fundið sjálfan mig eftir að ég fann þetta orð.

Þetta er í grunninn fyrir mig að geta flakkað á milli að vera masculine og feminine. Þú ert ekkert bara eitt. Stundum ertu aðeins meiri gæi á ákveðnum tímapunkti og svo ertu meiri skvísa.“

Binni byrjaði á því að segja frá þessu í nánum vinum (e. close friends) á Instagram og breyta fornöfnum sínum sömuleiðis á Instagram. 

„Ég sagði vinum mínum að ég væri kynsegin og svo lét ég þetta flæða, ég kom ekkert beint út með þetta. Ef fólk veit að ég sé kynsegin þá veit það ef ekki þá bara veit það ekki. Þetta er bara ég.“

Einkalífið Hinsegin

Tengdar fréttir

Segist frekar finna skyndikynni en sambönd á forritunum

„Ég hata alveg deiting dæmið hérna heima,“ segir Binni Glee sem er viðmælandi í nýjasta þætti af Einkalífinu. Binni hefur aldrei farið á stefnumót og segir að stefnumótaforrit séu meira fyrir skyndikynni en samband.

Maðurinn á bak við Æði þættina

Rapparinn og leikstjórinn Jóhann Kristófer er maðurinn á bak við Æði seríurnar fimm. Það urðu straumhvörf í lífi hans árið 2017 þegar að hann ákvað að svara kalli Patreks Jaime um raunveruleikaþátt og ekkert varð eins aftur. Blaðamaður spjallaði við Jóhann og fékk að heyra meira frá viðburðaríku lífi hans, sögunni á bak við Æði þættina og ferlinu.

„Mig langar að lifa lífinu til að njóta þess“

„Þetta var það eina í stöðunni fyrir mig. Ég þekki fólk sem hefur farið í svona aðgerð sem þorir ekki að segja frá því. Það er svo hrætt um að vera dæmt,“ segir raunveruleikastjarnan Binni Glee sem er viðmælandi í nýjasta þætti af Einkalífinu. Binni Glee fór í svokallaða míní-hjáveitu sem er magaminnkandi aðgerð og segir að lífið hafi aldrei verið betra en í dag. Hann ræðir þetta og margt annað í Einkalífinu.

„Langaði ekki að lifa lengur“

Raunveruleikastjarnan Binni Glee fór í míní hjáveitu fyrir ári síðan. Hann greinir frá á Instagram og segir aðgerðina hafa bjargað lífi sínu.

Æðisleg Dorrit stal senunni í Bíó Paradís

Það var mikið um dýrðir og glæsilegheit á forsýningu fimmtu og jafntframt síðustu  þáttaröð af raunveruleikaþáttunum Æði í Bíó Paradís í gærkvöldi. Tveir fyrstu þættirnir voru frumsýndir og vöktu gríðarlega lukku meðal áhorfenda. 



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.