Sturlun á leikmannamarkaði NFL-deildarinnar

Það er alltaf líf þegar markaðurinn opnar en óvenju margir, stórir bitar voru á lausu.

Stærsta fréttin var sú að leikstjórnandinn Kirk Cousins fór frá Minnesota Vikings til Atlanta Falcons. Það sem meira er þá fékk þessi 35 ára leikstjórnandi, sem sleit hásin á síðustu leiktíð, fjögurra ára samning upp á 180 milljónir dollara. Þar af er öruggt að hann fær 100 milljónir.

Í hans stað hefur Vikings fengið Sam Darnold sem var varaleikstjórnandi hjá 49ers síðasta vetur.

Hlauparinn Saquon Barkley yfirgaf svo NY Giants og fór til erkifjendanna í Philadelphia Eagles. Hann fékk þar þriggja ára samning upp á 38 milljónir dollara en sá samningur gæti hækkað í 47 milljónir dollara.

Hlauparinn Josh Jacobs fór frá Raiders til Packers. Í leiðinni ákvað Packers að sleppa hlauparanum Aaron Jones sem finnur sér líklega nýtt heimili í dag.

Russell Wilson er svo orðinn nýr leikstjórnandi Pittsburgh Steelers svo fátt eitt sé nefnt.

Hér að neðan má sjá lista yfir helstu félagaskipti hingað til.

Leikstjórnendur:

• Russell Wilson frá Broncos til Steelers.
• Gardner Minshew frá Colts til Raiders
• Tyrod Taylor frá Jets til Giants
• Jacoby Brissett frá Commanders til Patriots

Hlauparar:

• Saquon Barkley frá Giants til Eagles
• Josh Jacobs frá Raiders til Packers
• Tony Pollard frá Cowboys til Titans
• D´Andre Swift frá Eagles til Bears
• Austin Ekeler frá Chargers til Commanders
• Zack Moss frá Colts til Bengals
• Devin Singletary frá Texans til Giants
• Gus Edwards frá Ravens til Chargers

Annað:

• Robert Hunt frá Miami til Carolina (sóknarlínumaður)
• Christian Wilkins frá Dolphins til Raiders (varnarmaður)
• Jonathan Greenard frá Texans til Vikings (varnarmaður)
• Xavier McKinney frá Giants til Packers (varnarmaður)