Al­var­lega slasaður eftir skot­á­rás í Ósló

„Við komum á vettvang stuttu seinna og fundum þar manneskju sem hafði verið skotin en var með meðvitund. Hann er nú komin á sjúkrahús,“ hefur norska ríkisútvarpið eftir Øyvind Schalla-Aasen lögreglumanni í Ósló. Maðurinn er ekki lífshættulega slasaður.

„Það voru mörg skot og við erum með mann á fimmtugsaldri sem er alvarlega særður. Hann er kominn á Ullevål-sjúkrahúsið,“ segir Tonje Brandrud, verkefnastjóri lögreglunnar í Ósló.

Ekkert bólar á árásarmanninum en leit stendur yfir. Íbúi á svæðinu segist hafa heyrt þrjá hvelli. Hún segist fyrst hafa haldið að væri verið að sprengja flugelda.

„Það er mikilvægt að komi fram að við vitum ekki hver aðdragandi atviksins er en við helsta kenning okkar er að þetta hafi verið árás með fyrirætluðu skotmarki. Þannig það er engin hætta fyrir annað fólk í lögregluumdæminu í Ósló, þannig sjáum við þetta nú.“