Lífið

For­seti ÍSÍ selur hönnunarhús í Garða­bæ

Oddur Ævar Gunnarsson skrifar
Lárus Blöndal og Soffía hafa sett glæsilegt einbýlishús á sölu þar sem engu var til sparað.
Lárus Blöndal og Soffía hafa sett glæsilegt einbýlishús á sölu þar sem engu var til sparað. Vísir/Dúi

Lárus Blöndal, lögfræðingur og forseti ÍSÍ, og eiginkona hans Soffía Ófeigsdóttir kennari hafa sett vandað einbýlishús við Rjúpnahæð 3 í Garðabæ á sölu, sem var teiknað af Kjartani Sveinssyni.

Um er að ræða 300 fermetra hús á tveimur hæðum staðsett á 924 fermetra lóð. Ásett verð er 230 milljónir króna. Húsið er byggt árið 1995 og var engu til sparað þegar það var byggt.

Húsið er einstakt fyrir margar sakir en helstu kostir þess eru sérsmíðaðar innréttingar hannaðar af Pétri Hafsteini Birgissyni innanhússarkitekt. Þá er gegnheilt Yberaro parket með Jatoba skrautlistum á gólfum. 

Húsið er teiknað af Kjartani Sveinssyni og reist árið 1995.Fasteignaljósmyndun

Björt rými og útsýni

Gengið er inn í flísalagða og rúmgóða forstofu. Stórt og opið alrými er á hæðinni sem hægt er að loka af með tvöfaldri millihurð. Að auki eru tvö svefnherbergi og baðherbergi með útgengi á skjólsæla verönd með heitum potti. 

Veglegur parketlagður stigi leiðir upp á aðra hæð hússins sem skiptist í eldhús, tvær samliggjandi og bjartar stofur, svefnherbergisgang og stórt baðherbergi. Efri hæð hússins er 159,8 fermetrar að stærð með mikilli lofthæð og fallegu útsýni yfir bæinn.

Nánari upplýsingar um eignina má finna á fasteignavef Vísis.

Stigapallur er parketlagður.Fasteignaljósmyndun
Tvöföld millihurð er við hol og sjónvarpsrými.Fasteignaljósmyndun
Í eldhúsi eru vönduð tæki og náttúrusteinn á gólfum. Fasteignaljósmyndun
Opið er við eldhús úr borðstofu.Fasteignaljósmyndun
Baðherbergi á efri hæðinni er einkar glæsilegt með stóru hornbaðkeri.Fasteignaljósmyndun
Notaleg og glæsileg arinstofa með aukinni lofthæð.Fasteignaljósmyndun
Skjólgóð verönd er framan við húsið.Fasteignaljósmyndun
Fasteignamarkaður Hús og heimili Garðabær ÍSÍ


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.