Tíu sektaðir vegna notkunar nagla­dekkja

Þetta kemur fram í dagbók lögreglu, en samkvæmt reglum er óheimilt að aka á nagladekkjum eftir 15. apríl.

Þá kemur fram að tilkynnt hafi verið um líkamsárás við verslun í miðbænum. 

Á lögreglustöð 1, sem vaktar Seltjarnarnes, miðbæ, vesturbæ og austurmenn voru tveir ökumenn handteknir, annar grunaður um akstur undir áhrifum fíkniefna og hinn um ölvun við akstur. Báðir voru þeir látnir lausir að lokinni sýnatöku.

Á lögreglustöð 2, sem nær yfir Hafnarfjörð og Garðabæ var ökumaður handtekinn grunaður um akstur undir áhrifum fíkniefna, þjófnað á skráningarmerkjum og skjalafals. Annar ökumaður var handtekinn grunaður um ölvun við akstur, en sá var laus að lokinni sýnatöku.

Á sama svæði var einstaklingur handtekinn við veitingahús vegna líkamsárásar. Þá neitaði hann að gefa upp hver hann væri. Viðkomandi var vistaður í fangageymslu vegna málsins.

Verkefni lögreglustöðvar 3 fólust í að handtaka einstakling sem grunaður var um akstur undir áhrifum fíkniefna. Við nánari skoðun reyndist bifreiðin stolin. Ökumaður og tveir farþegar voru vistaðir í fangageymslu vegna málsins.

Loks var tilkynnt um einstakling í Kópavogi að reyna að komast inn í bifreiðar, en sá fannst ekki.