Innlent

Biluð rúta í Hval­fjarðar­göngum og lokað næstu tvær nætur

Jón Ísak Ragnarsson skrifar
Hvalfjarðargöng verða lokuð næstu tvær nætur vegna vinnu
Hvalfjarðargöng verða lokuð næstu tvær nætur vegna vinnu Vísir

Biluð rúta olli því að loka þurfti Hvalfjarðargöngum um sexleytið í kvöld. Hvalfjarðargöngin verða einnig lokuð vegna vinnu frá miðnætti í kvöld þangað til 6:30 í fyrramálið. Göngin verða einnig lokuð á sama tíma aðfararnótt fimmtudags 6. júní. Hjáleið er um Hvalfjarðarveg (47).

Þetta kemur fram á vef Vegagerðarinnar. Þar kemur einnig fram að umferðartafir verði á veginum um Hvalfjörð við Laxárnes milli kl. 17:00-22:00 dagana 3.-10. júní vegna kvikmyndatöku.

Mbl greindi frá því um sexleytið að rúta hefði bilað í göngunum og þeim lokað af þeim sökum. Þá var haft eftir upplýsingafulltrúa Vegagerðarinnar að dráttarbíll væri á leið á svæðið, en það aðgerðin gæti reynst snúin þar sem rútan væri á erfiðum stað. Hann taldi að göngin yrðu opnuð að hálftíma liðnum.

Samgöngur Hvalfjarðargöng Kjósarhreppur Reykjavík Akranes

Mest lesið


Fleiri fréttir

Sjá meira


×

Mest lesið