Flestir á­nægðir með kjör Höllu Tómas­dóttur

Í tilkynningu frá Prósenti kemur fram að konur séu ánægðari með nýkjörinn forseta en karlar. Einnig eru íbúar nágrannasveitarfélaga Reykjavíkur og landsbyggðarinnar ánægðari með nýkjörinn forseta en Reykvíkingar.

Þau sem kusu Höllu Tómasdóttur, Höllu Hrund Logadóttur og Baldur Þórhallsson eru ánægðari en þau sem kusu Katrínu Jakobsdóttur eða Jón Gnarr.

Eins og fram kom var gögnum safnað frá sjötta júní til dagsins í dag og fór könnunin fram sem netkönnun meðal könnunarhóps Prósents. Stærð úrtaks var 3500  og var svarhlutfall fimmtíu prósent. Sendar eru út kannanir á handahófskennt úrtak úr könnunarhópnum á netföng þátttakenda. Niðurstöður eru þá vigtaðar út frá kyni, aldri og búsetu svo hægt sé að alhæfa um þær með 95 prósenta vissu.