Innlent

Peningarnir úr Hamra­borg enn ekki fundist

Lovísa Arnardóttir skrifar
Á myndbandsupptökum í Hamraborg mátti sjá tvo menn brjóta afturglugga verðmætaflutningabíls Öryggismiðstöðvarinnar að morgni mánudagsins 25. mars.
Á myndbandsupptökum í Hamraborg mátti sjá tvo menn brjóta afturglugga verðmætaflutningabíls Öryggismiðstöðvarinnar að morgni mánudagsins 25. mars. Stöð 2

Lögreglan á höfuðborgarsvæðinu er enn með til rannsóknar upplýsingar frá tæknideild lögreglunnar vegna þjófnaðar í Hamraborg í mars síðastliðnum. Þar var tugum  milljóna stolið úr verðmætaflutningabíl Öryggismiðstöðvarinnar. Peningarnir hafa ekki fundist en vísbendingar eru um að hluti þeirra hafi farið í umferð. Einn hefur stöðu sakbornings. 

„Við erum enn að vinna í málinu. Það er enn hjá okkur,“ segir Heimir Ríkharðsson lögreglufulltrúi hjá lögreglunni í Kópavogi en málið er til rannsóknar þar. 

Einn var handtekinn vegna málsins í maí en honum sleppt stuttu síðar. Hann hefur einn stöðu sakbornings í málinu. 

Eftir ránið var grunur um að litaðir seðlar hefðu komist í umferð en varnarbúnaður í töskunum sem peningurinn var geymdur í gerði það að verkum að þeir lituðust þegar taskan var opnuð. Heimir segir að peningarnir hafi ekki fundist. 

Tók stutta stund

Þjófnaðurinn átti sér stað í mars en þá var tugum milljóna stolið úr bíl á vegum Öryggismiðstöðvarinnar. Atvikið náðist allt á upptöku. Á henni má sjá tvo menn brjóta afturglugga verðmætaflutningabíls Öryggismiðstöðvarinnar sem lagður var fyrir utan Videomarkaðinn að morgni mánudagsins 25. mars. 

Starfsmenn Öryggismiðstöðvarinnar voru staddir á Catalinu eftir að hafa tæmt spilakassa Videomarkaðarins, en þjófarnir notuðust við Toyota Yaris bíl sem þeir bökkuðu að peningaflutningabílnum, brutu rúðu, opnuðu afturhurð, tóku töskurnar með peningunum og óku svo á brott.

Meiri viðbúnaður í bílum

Þá var greint frá því fyrir nokkrum vikum að Öryggismiðstöðin hefur aukið viðbúnað í verðmætaflutningabílum sínum eftir þjófnaðinn. Þó að þjófarnir hafi aðeins verið örfáar sekúndur að brjótast inn í bílinn sagði framkvæmdastjóri fyrirtækisins í viðtali þann 24. maí bifreiðina sjálfa í raun aukaatriði í málinu. 

Viðvörunarkerfi í bílnum hefði mögulega getað stefnt starfsmönnum í hættu. Verkferlum hafi verið fylgt og erfitt að sjá hvað hægt hefði verið að gera öðruvísi.

Peningum stolið í Hamraborg Kópavogur Lögreglumál

Tengdar fréttir

Aukinn við­búnaður í verð­mæta­flutningum og ó­veður í beinni

Öryggismiðstöðin hefur aukið viðbúnað í verðmætaflutningabílum sínum, eftir að tugum milljóna var stolið úr bíl fyrirtækisins í Hamraborg. Í kvöldfréttum Stöðvar 2 verður í fyrsta sinn frá atvikinu rætt við framkvæmdastjóra Öryggismiðstöðvarinnar sem segir að viðvörunarkerfi í bílnum hefði getað stefnt starfsmönnum í hættu.

Gæsluvarðhald yfir manninum framlengt

Gæsluvarðhald yfir íslenskum karlmanni sem handtekinn var í tengslum við þjófnað á tuttugu til þrjátíu milljónum króna hefur verið framlengt.

Tjá sig ekkert um gang Hamra­borgar­rann­sóknarinnar

Lögregla á höfuðborgarsvæðinu vill ekkert tjá sig um gang rannsóknarinnar á þjófnaðarmáli þar sem milli tuttugu til þrjátíu milljónum króna var stolið úr verðmætaflutningabíl í Hamraborg í Kópavogi í mars síðastliðinn.

Litaðir seðlar til skoðunar og málið á mjög viðkvæmu stigi

Lögregla heldur spilunum afar þétt að sér við rannsókn á þjófnaði á tuttugu til þrjátíu milljónum króna í Hamraborginni fyrir rúmum fimm vikum. Samkvæmt heimildum fréttastofu er grunur um að reynt hafi verið að koma lituðum peningum í umferð.

Þjófnaðurinn áfall fyrir reynslumikla öryggisverði

Sjö mínútur liðu frá því þjófarnir í Hamraborg brunuðu í burtu með sjö peningatöskur og þar til upp komst um þjófnaðinn. Þjófavarnakerfi í bíl Öryggismiðstöðvarinnar fór ekki í gang og engin melding barst fyrirtækinu um þjófnaðinn. Það var ekki fyrr en öryggisverðirnir komu að bílnum að upp komst um glæpinn. Þeir eru reynslumiklir og í áfalli að sögn framkvæmdastjóra.

Þjófunum yfir­sást taska með milljónum króna

Þjófarnir í Hamraborgarmálinu tóku ekki eftir poka sem innihélt milljónir króna í peningaflutningabílnum sem þeir stálu úr. Öryggismiðstöðin hefur ekki viljað tjá sig um málið.

Taska stútfull af milljónum króna enn ófundin

Ein af töskunum sjö sem þjófarnir í Hamraborg höfðu á brott með sér úr sendiferðabíl Öryggismiðstöðvarinnar fyrir tæpum fjórum vikum er ófundin. Sú var stúfull af peningum. 

Myndskeið úr Hamraborg og maður sem heyrir liti með loftneti

Þjófarnir í Hamraborgarmálinu voru rúmar þrjátíu sekúndur að brjótast inn í peningaflutningabíl Öryggismiðstöðvarinnar, færa peningatöskur yfir í eigin bíl og bruna í burtu með tuttugu til þrjátíu milljónir króna í fórum sínum. Þetta sýnir myndband sem komið er í dreifingu og barst fréttastofu. Við fjöllum um málið í fréttum Stöðvar 2 klukkan 18:30.

Mest lesið


Fleiri fréttir

Sjá meira


×

Mest lesið