Innlent

Sérsveit þurfti ekki að skerast í leikinn vegna ferða­manns á tjald­stæði

Jón Þór Stefánsson skrifar
Atvikið sem málið varðar átti sér stað á tjaldstæði á Hellissandi á Snæfellsnesi.
Atvikið sem málið varðar átti sér stað á tjaldstæði á Hellissandi á Snæfellsnesi. Vísir/Vilhelm

Lögreglan á Vesturlandi óskaði eftir aðstoð sérsveitar ríkislögreglustjóra í gærkvöldi vegna tilkynningar um mann með hnífa. Sérsveitin þurfti þó ekki að fara í neina sérstaka aðgerð vegna málsins, en lögreglan á Vesturlandi útkljáði málið sjálf.

Þetta staðfestir Ásmundur Kr. Ásmundsson yfirlögregluþjónn á Vesturlandi í samtali við fréttastofu.

Tilkynningin barst lögreglu um ellefuleytið í gærkvöldi, vegna erlends ferðamanns á tjaldstæðinu Hellissandi. Maðurinn, sem var á tjaldstæðinu með fjölsyldu sinni, var sagður hafa gengið af tjaldstæðinu með hnífa meðferðis. Hann var jafnframt sagður hafa sýnt af sér undarlega hegðun.

Lögreglan á Vesturlandi gerði sérsveitinni viðvart um málið og óskaði jafnframt eftir sjúkrabíl til öryggis.

Maðurinn fannst eftir leit lögreglunnar á Vesturlandi, en engir hnífar fundust. Hann var fluttur á lögreglustöð og vakthafandi læknir var kallaður til og ræddi við hann og skoðaði. Nú hefur hann verið látinn laus.

Lögreglumál Snæfellsbær Tjaldsvæði

Mest lesið


Fleiri fréttir

Sjá meira


×

Mest lesið