Innlent

Gekk ber­serks­gang með öskrum og ó­látum

Hólmfríður Gísladóttir skrifar
Lögregla sinnti ýmsum verkefnum í gærkvöldi og í nótt.
Lögregla sinnti ýmsum verkefnum í gærkvöldi og í nótt. Vísir/Vilhelm

Lögreglan á höfuðborgarsvæðinu var kölluð til í gærkvöldi eða nótt þar sem maður gekk berserksgang í íbúð í póstnúmerinu 105. Öskur og ólæti bárust frá íbúðinni samkvæmt lögreglu og var maðurinn handtekinn og vistaður í fangageymslu.

Lögregla handtók einnig tvo menn í tveimur aðskildum tilvikum sem báðir voru í annarlegu ástandi. Þá var tilkynnt um þjófnað í verslun í póstnúmerinu 108 en málið afgreitt á vettvangi.

Viðbragðsaðilum barst einnig tilkynning um eld í Kópavogi þar sem logaði í ruslatunnu og var eldurinn slökktur.

Nokkrir voru stöðvaðir í umferðinni, ýmist fyrir akstur undir áhrifum eða of hraðan akstur.

Lögreglumál Reykjavík

Mest lesið


Fleiri fréttir

Sjá meira


×

Mest lesið