Nýtur lífsins á­hyggju­laus í áhrifavaldaferð í Króatíu

Með honum á laginu er fótboltakappinn og tónlistarmaðurinn Logi Tómasson, betur þekktur sem Luigi. Hér má hlusta á lagið:

„Þegar allt kemur til alls erum við með sama hugarfarið. Sama hvað gerist þá hugsum við öll: Ekki hafa áhyggjur, þetta græjast.

Það verður drama og ég mun hætta að svara en ekki hafa áhyggjur, það verður gaman og við erum öll saman,“ segir Arnar Gauti og vísar í texta lagsins.

Með honum í ferðinni eru áhrifavaldastjörnur á borð við Sunnevu Einarsdóttur, Söru Jasmín, Tönju Ýr, Brynhildi Gunnlaugsdóttur, Brynju Bjarnadóttur sem er góð vinkona Arnars og svo lengi mætti telja. 

Sömuleiðis eru þarna tónlistarmaðurinn Egill Breki, Jakob Jóhann og fleiri og Arnar Dór Ólafsson er með í för að taka upp allt efni af þeim úti sem verður meðal annars nýtt í auglýsingar og samfélagsmiðla.

„Lagið snýst um að njóta og að öllum líði vel. Það á engum að líða illa, þitt fólk passar upp á þig og þú passar upp á þau. Njótum öll saman,“ segir Arnar Gauti og bætir við:

„Við verðum hér í viku í risa villu í Króatíu. Hér er sundlaug, rækt, tvær saunur og alls konar snilld.“

Hann hefur sömuleiðis verið duglegur að sýna frá ferðinni á Instagram hjá sér og deildi meðal annars þessum TikTok dansi við nýja lagið:

Hér má hlusta á Curly á streymisveitunni Spotify.