Ás­dís Rán 45 ára: „Drekktu kampa­vín í morgun­mat ef þig langar“

Ásdís Rán birti færslu með myndum úr afmælisveislunni á samfélagsmiðlinum Facebook. Í færslunni segist hún þakklát öllum sem sendu henni kveðju í tilefni dagsins og lýsir þakklæti sínu að fá að eldast. 

Ásdís Rán deildi einnig nokkrum heilræðum með fylgjendum sínum sem hafa nýst henni í gegnum árin.

„Vertu djörf, ekki fylgja hjörðinni, settu þér háleit markmið, fylgdu draumum þínum, ekki láta neinn segja þér hvað þú getur eða getur ekki gert, ferðastu og upplifðu heiminn til að víkka sjóndeildarhringinn og afla þér visku, elskaðu, læra af mistökum þínum og erfiðleikum, og kenndu aldrei neinum öðrum um. Allt gerist af ástæðu, áttaðu þig á því að að áhyggjur þínar eru hugarástand, borðaðu alltaf hollt, það hefur heilsusamlegan ávinning og veitir þér hamingju, tengstu náttúrunni og mundu að allt verður í lagi að lokum. 

Drekktu kampavín í morgunmat ef þig langar til, Skál.“

Ásdís er búsett í Búlgaríu ásamt kærasta sínum, athafnamanninum Þórði Daníel Þórðarsyni. Ástin kviknaði á milli þeirra síðastliðið sumar.

Þórður er fyrrum útvarpsmaður útvarpstöðvarinnar FM957. Hann rekur í dag fyrirtækið Icestore sem selur níkótínpúða og rafsígarettur í borg­inni Plovdiv í Búlgaríu þar sem hann hefur búið síðastliðin sex ár líkt og Ásdís Rán.