Innlent

Flutninga­bíll með tengi­vagn fauk út af nærri Hólma­vík

Lovísa Arnardóttir skrifar
Mikið hvassviðri var við Hólmavík í gær og þessi flutningabíll fauk út af.
Mikið hvassviðri var við Hólmavík í gær og þessi flutningabíll fauk út af. Aðsend

Einn var fluttur til aðhlynningar læknis á Hólmavík í gær eftir að flutningabíll með tengivagn valt vegna mikils hvassviðris í um kílómetra fjarlægð frá Hólmavík. Hlynur Hafberg Snorrason yfirlögregluþjónn segir ökumanninn hafa verið með minni háttar meiðsl.

„Hann fékk aðhlynningu á staðnum og var svo fluttur á Hólmavík til læknis.“

Hlynur segir fleiri bíla ekki hafa fokið út af vegi í gær en afar slæmt veður var á Vestfjörðum. Þó hafi verið tilkynnt um eitthvað fok á fiskikörum og öðru slíku.

„En engum trampólínum. Þau virðast vera kyrfilega fest niður núna,“ segir Hlynur.

Vegna vindsins rauk úr ám og lækjum og upp á veg.Aðsend

Greint var frá því í gær að þrjár skútur hefði rekið á land í hvassviðri á Ísafirði í gær. Björgunarsveitir voru kallaðar út víða á Vestfjörðum í gær.

„Það er dottið niður en það spáir einhverjum hvelli og úrkomu í kvöld. Það gætu verið Strandir og þar í kring en svo spáir hæglætisveðri það sem eftir er helgarinnar,“ segir Hlynur.

Veður Færð á vegum Strandabyggð

Tengdar fréttir

Amaði ekkert að ferðamönnum sem sendu neyðarboðin

Ekkert amaði að erlendum ferðamanni sem sendi neyðarboð úr neyðarskýli í Hlöðuvík fyrr í dag. Áhöfn varðskips Landhelgisgæslunnar komst í samband við ferðafólkið á tíunda tímanum í kvöld.

Skútur rekur á land í röðum

Þrjár skútur hefur rekið í land við Pollinn á Ísafirði það sem af er degi, eftir að hafa slitnað af legufærum í höfninni. Einni skútunni var komið í tog í morgun og bjargað en of slæmt er í sjóinn eins og er til að bjarga hinum tveimur.

Mest lesið


Fleiri fréttir

Sjá meira


×

Mest lesið