Nýr að­stoðar­maður rétt fyrir ríkisstjórnarslit

Þetta kemur fram á vef ráðuneytisins. Þar segir að Lilja Hrund sé með meistarapróf í lögfræði frá Háskóla Íslands og LL.M próf í alþjóðalögfræði frá Tufts-háskóla í Bandaríkjunum. 

„Hún starfaði sem blaðamaður á miðlum Árvakurs 2018-2022 og hefur starfað sem aðstoðarmaður þingflokks Sjálfstæðisflokksins frá árinu 2022.

Lilja Hrund er í sambúð með Mími Hafliðasyni, forstöðumanni viðskiptaþróunar hjá Högum.

Ráðherra hefur heimild til að vera með tvo aðstoðarmenn, en hefur síðan í apríl einungis verið með einn aðstoðarmann, Ingu Hrefnu Sveinbjarnardóttur,“ segir í tilkynningunni.