Ilmaðu eins og frambjóðendur

Svava Marín Óskarsdóttir skrifar 19. nóvember 2024 07:00

Ilmaðu eins og konurnar í sem eru framboði ti Alþingiskosninganna.

Góður ilmur spilar stórt hlutverk í lífi margra og er stundum sagt að ilmur geti sagt mikið til um persónuleika okkar. Þegar við finnum ilm sem við erum ánægð með, eigum við það til að nota hann árum saman. Frambjóðendur til Alþingiskosninga 2024 eru þar engin undantekning. Hér að neðan má sjá hvaða ilmi nokkrar af þeim konum sem eru í framboði nota.

Lilja Dögg Alfreðsdóttir

„Mildur og frískandi“

Lilja, menningar- og ferðamálaráðherra og varaformaður Framsóknarflokksins, notar ilmandi krem frá Clarins: Aroma Eau Ressourcante. „Ilmurinn er mildur og frískandi,“ segir um ilminn á vef Beautybox.

Diljá Mist Einarsdóttir

„Voldug og djörf“

Diljá Mist, þingmaður Sjálfstæðisflokksins, notar ilm frá Yves Saint Laurent. Á vef lyf og heilsu er ilminum lýst sem ilm voldugrar og djarfrar konu sem upplifir fullkomið frelsi.

„Orange blossom frá Marokkó, og lofnarblóm frá Frakklandi blandast á einstakan og fullkominn hátt.“

Svandís Svavarsdóttir

Frísklegur og ógleymanlegur

Svandís, innviðaráðherra og formaður VG, segist nota tvo ilmi til skiptis. Annars vegar þennan klassíska græna ilm frá Elizabeth Arden, Green Tea, sem er lýst sem geislandi, ferskum ilm með grænu tei og sitrusnótum.

„Ilmurinn gefur orku og róar hugann. Hann hentar sérstaklega vel á daginn þar sem hann er frískandi og bjartur,“ segir í lýsingu ilmarins á vef Hagkaupa.

Hins vegar notar hún ilm nr. 23 frá Fisher sund. Ilmurinn einkennist af dýpt og ferskleika og er sagður ógleymanlegur fyrir þá sem fá að finna hann.

Ragna Sigurðardóttir

„Frískur og mjúkur“

Ragna, læknir, varaborgarfulltrúi og varaþingmaður Samfylkingarinna, notar ilmvatnið frá Maison Louis Marie, Nouvelle Vogue nr. 13. Frískandi og mjúkur ilmur sem fer með þig til ítölsku eyjunnar Capri.

Áslaug Arna Sigurbjörnsdóttir

„Blómleg mýkt“

Áslaug Arna, háskóla-, iðnaðar- og nýsköpunarráðherra, notar ilmvatnið Daisy eftir Marc Jacobs. Þetta var ilmur móður hennar heitinnar og hefur Áslaug notað hann síðan hún féll frá.

Toppnótur: Fjólublað, blóðgreip og jarðarber

Hjartanótur: Fjóla, gardenía og jasmín

Grunnnótur: Musk, hvítur viður og vanilla

María Rut Kristinsdóttir

„Kynjalaus og kryddaður“

María Rut, aðstoðarmaður formanns Viðreisnar, leiðir lista flokksins í Norðvesturkjördæmi fyrir komandi alþingiskosningar. María notar ilminn, santal 33 frá Le Labo.

„Ilmur seem heillar öll kyn og kynnir til sögunnar kardimommu, sverðlilju, fjólu og ambrox sem blandast saman og veita þessari reykkenndu viðarblöndu (ástralskur sandelviður, papýrus, sedrusviður) kryddaða og leðurkennda moskustóna. Þannig verður til einkennandi og notalegur ilmur sem hentar öllum kynjum. Í stuttu máli er SANTAL 33 opinn eldur og reykjarslæða, þar sem munúðin dvelur í myrkrinu.“

Þórhildur Sunna- Píratar

„Fjörugur, næmur og valdelfdur“

Þórhildur Sunna, formaður Pírata, notar Paco Rabanne Fame sem er sagður fanga hinn ómótstæðilega Parísaranda Rabanne-konunnar og heiðra nýtt tímabil kvenleika.

„Fjörugur. Næmur. Valdefldur. Ilmvatnið endurspeglar kjarnann í framúrstefnulegum lúxus með blöndu af einstaklega hreinni jasmín, safaríku mangói og ávanabindandi kremuðu reykelsi,“ segir um ilminn á vef Hagkaupa.

Þorgerður Katrín Gunnarsdóttir

„Fágun og kvenleiki“

Þorgerður Katrín, formaður Viðreisnar, notar Caléche Hermés - Calèche Soie de parfum, sem er ilmur móður hennar.

Ilmurinn er sagður einkenni fágun og kvenleika. Blanda af Sítrus, rósir, jasmín og viðartón.

Inga Sæland Flokkur fólksins

Inga Sæland er formaður Flokks fólksins.Vísir/Vilhelm

„Seiðandi og dularfullur“

Inga Sæland, formaður Flokks fólksins, notar hinn freyðandi ilm frá Yves saint laurent Mon paris Perfume, sem sækir innblásturinn til Parísar. Borgar ástarinnar.

Mon Paris Intensement Eau de Parfum.Skjáskot/Hagkaup

Sanna Magdalena Mörtudóttir

Sanna Magdalena er leiðtogi flokksins á sviði Alþingis.Vísir/Vilhelm

„Hressandi, upplífgandi og endurnærandi“

Sanna Magdalena, borgarfulltrúi og leiðtogi Sósíalistaflokks Íslands í komandi þingkosningum, notar hreina appelsínu ilmkjarnaolía. Ilmur: ferskur, sætur appelsínubörkur. Ilmurinn er sagður hressandi, upplífgandi og endurnærandi.

Lenya Rún Taha Karim

„Glæsilegur, dularfullur og munúðarfullur“

Lenya Rún varaþingmaður Pírata hefur notað tvö sömu ilmvötnin frá því hún var 17 ára. Lancome La Nuit Trésor og Dior J’adore.

Lancome La Nuit Trésor er sagður glæsilegur, dularfullur og munúðarfullur ilmur fyrir konur.

Dior J’adore er kvenlegur og hlýlegur ilmur. Hann er samsettur úr centifolia-rós, jasmínu, cananga og grasse-rósum, með dýpri undirtónum af kremuðum sandalviði, bergamot og blóðappelsínu, sem gefa honum ferskt og létt yfirbragð.

Hrafnhildur Sigurðardóttir

„Ferskur og ljúfur“

Hrafnhildur, jóga- og pílateskennari, skipar annað sæti í Suðvesturkjördæminotar fyrir Lýðræðisflokkin.

Hrafnhildur notar ilmvatn frá Elizabeth Arden, Green Tea Pomegranate. Ilmurinn er ferskur ilmur með grænu tei, límónu og ávaxtakeim.

Sigríður Andersen

„Orka og ferskleiki“

Sigríður, lögmaður, leiðir lista Miðflokksins í Reykjavíkurkjördæmi norður. Hún notar ilmvatnið Chanel: Paris-Biarritz, sem er sagðir einkennast af orku og hreinu lofti Baska strandarinnar í Króatíu. Ferskur og léttur ilmur sem er samblanda af mandarínu, liljum og ávaxtakenndum tón.