Starfs­maður skemmti­staðar grunaður um líkams­árás

Í dagbók lögreglu kemur einnig fram að alls hafi verið 71 mál bókað í kerfi lögreglunnar frá klukkan 17 í gær og til fimm í nótt. Sjö gisti nú í fangageymslu.

Í yfirliti lögreglunnar er fjallað um nokkurn fjölda einstaklinga sem lögreglan hafði afskipti af vegna gruns um akstur undir áhrifum áfengis eða annarra vímuefna.

Þá þurfti lögreglan í tvígang að hafa afskipti af sama manninum sem var að aka bílnum sínum en hafði verið sviptur ökuleyfi. Hann á yfir höfði sér sekt vegna málsins.

Einn var handtekinn fyrir að stela verkfærum á byggingarsvæði og einum ekið heim vegna ofurölvunar miðsvæðis í Reykjavík auk þess sem tilkynnt var um innbrot í Breiðholti.

Þá var lögreglu tilkynnt um grunsamlegar mannaferðir í Árbænum.