Steldu stílnum af heimili Kristínar Péturs

Kristín er í sambúð með handboltadómaranum Þorvari Bjarma Harðarsyni og á parið von á sínu fyrsta barni saman síðar á árinu. Fyrir á Kristín soninn Storm sem er sex ára.

Látlausir og hlýlegir litir

Kristín deilir reglulega myndum af heimili fjölskyldunnar á samfélagsmiðlum sem er innréttað af mikilli smekkvísi. Látlausir og hlýlegir litir eru ríkjandi á heimilinu og samræmast innbúinu á smekklegan hátt.

Upprunalegur byggingarstíll hefur verið varðveittur með nútímalegum endurbótum, þar sem upprunalegu ofnarnir, loftlistarnir og gluggasetningin gefa eigninni sjarmerandi ásýnd.

Stofa og eldhús flæða saman í eitt í opnu og björtu rými, þaðan er útgengt á rúmgóðar svalir.

Í eldhúsinu er falleg dökkgrá innrétting með ljósum steini á borðum sem nær upp á vegg. Fyrir ofan innréttinguna má sjá hilluna Vera, hönnun úr smiðju íslenska hönnunarstúdíósins Former. Hillan er tvískipt og er hluti hennar með báruðu gleri, en opnir endar bjóða upp á hengja glös eða önnur búsáhöld.

Samblanda af klassíkri hönnun

Í borðstofunni má sjá veglegt viðarborð úr eik og samblöndu af klassískum hönnunarstólum. Við enda borðsins má sjá hina sígildu CH-24 stóla, oft nefnda Y-stólana, í sápuborinni eik, hannaðir af danska hönnuðinum Hans J. Wegner hannaði árið 1949. Þar má einnig sjá Sjöurnar frá 1955 og Maurinn frá 1952, eftir danska hönnuðinn Arne Jacobsen. Stólarnir blandast fallega saman og skapa tímalaust yfirbragð í rýminu.

Fyrir ofan borðið hangir hinn sígildi PH 5-lampi eftir Poul Henningsen fyrir Louis Poulsen, hannaður árið 1958. Í horninu í borðstofunni gefur Panthella-gólflampinn, sem Verner Panton hannaði árið 1971, mjúka og notalega birtu sem er einkennandi fyrir hönnun hans.

Á heimilinu má einnig finna hinn einstaka Snoopy-lampa, sem ítalska hönnunarfyrirtækið Flos framleiðir. Hann var upphaflega hannaður árið 1967 af Achille og Pier Giacomo Castiglioni og er auðþekkjanlegur á sérkennilegri lögun sinni og glansandi yfirborði.