Tiger og Trump staðfesta sambandið

Henry Birgir Gunnarsson skrifar 24. mars 2025 14:17

Ástin blómstrar hjá Tiger og Trump. mynd/x

Tiger Woods hefur staðfest að hann sé í sambandi með fyrrum tengdadóttur Donalds Trump, Vanessu.

Vanessa var gift Donald Trump yngri. Börn þeirra Tigers og Vanessu ganga í sama skóla og neistinn kviknaði er þau hittust þar.

Það lak út á dögunum að þau væru að slá sér upp og Tiger hefur nú staðfest sambandið á X. Hann nýtir tækifærið og biður um gott veður frá fjölmiðlafólki vegna sambandsins.

Love is in the air and life is better with you by my side! We look forward to our journey through life together. At this time we would appreciate privacy for all those close to our hearts. pic.twitter.com/ETONf1pUmI
— Tiger Woods (@TigerWoods) March 23, 2025

Vanessa var gift Trump í tólf ár og saman eiga þau fimm börn.

Börn parsins eru bæði afar sleip í golfi og Kai Trump spilaði með Charlie Woods í móti í síðustu viku. Golfáhuginn Trump megin þarf ekki að koma á óvart enda spilar Bandaríkjaforseti golf nánast daglega.

Tiger ætti að hafa nægan tíma til þess að sinna sambandinu á næstunni eftir að hafa slitið hásin. Hann spilar því ekki golf aftur fyrr en eftir marga mánuði.

Golf