McIlroy annar til að þéna hundrað milljónir á PGA-mótaröðinni

McIlroy náði þessum áfanga þegar hann fékk 338 þúsund Bandaríkjadali fyrir að enda í 4. sæti á Houston Open í síðustu viku.

Norður-Írinn hefur nú þénað hundrað milljónir Bandaríkjadala á PGA-mótaröðinni síðan hann þreytti frumraun sína á henni 2010. Hundrað milljónir Bandaríkjadala samsvara 13,2 milljörðum íslenskra króna.

Það þarf kannski ekki að koma neinum á óvart að Tiger Woods séu tekjuhæstur í sögu PGA-mótaraðarinnar. Hann hefur þénað 120 milljónir Bandaríkjadala á henni (15,9 milljarðar). Tiger hefur unnið 82 af þeim 378 mótum sem hann hefur tekið þátt á.

McIlroy hefur unnið 28 af þeim 262 mótum sem hann hefur keppt á PGA-mótaröðinni. Hann hefur hrósað sigri á tveimur mótum á þessu ári; AT&T Pebble Beach Pro-Am og Players.

McIlroy hefur hins vegar ekki unnið risamót síðan hann vann Opna breska 2014. Hann þykir meðal sigurstranglegustu keppenda á Masters sem hefst 10. apríl.