Innlent

Borgar­full­trúi Pírata í veikinda­leyfi

Kjartan Kjartansson skrifar
Magnús Davíð Norðdahl, borgarfulltrúi Pírata.
Magnús Davíð Norðdahl, borgarfulltrúi Pírata. Vísir/Sigurjón

Magnús Davíð Norðdahl, borgarfulltrúi Pírata, fór í ótímabundið veikindaleyfi frá störfum í borgarstjórn um mánaðamótin. Hann hefur setið í borgarstjórn frá síðustu kosningum árið 2022.

Forsætisnefnd Reykjavíkurborgar var tilkynnt um veikindaleyfi Magnúsar á miðvikudaginn. Þar kom fram að hann yrði ótímabundið fjarverandi frá og með 31. mars.

Borgarfulltrúar halda launum í allt að eitt ár ef þeir forfallast vegna slyss eða veikinda samkvæmt samþykkt um kjör og starfsaðstöðu kjörinna fulltrúa hjá Reykjavíkurborg.

Magnús var einn þriggja frambjóðenda Pírata sem náði kjöri til borgarstjórnar í borgarstjórnarkosningunum vorið 2022. Hann hefur meðal annars setið í velferðarráði, stjórn Félagsbústaða, forsætisrnefnd og mannréttindaráði borgarinnar.

Reykjavík Sveitarstjórnarmál Borgarstjórn Píratar

Mest lesið


Fleiri fréttir

Sjá meira


×

Mest lesið