Innlent

Mikill meiri­hluti lands­manna vill ekki ís­lenskan her

Rafn Ágúst Ragnarsson skrifar
Mynd er af slysaæfingu Landhelgisgæslunnar með Bandaríkjaher á Keflavíkurflugvelli á síðasta ári.
Mynd er af slysaæfingu Landhelgisgæslunnar með Bandaríkjaher á Keflavíkurflugvelli á síðasta ári. Vísir/Einar

Mikill meirihluti landsmanna vill ekki íslenskan her eða um 72 prósent aðspurðra. Aðeins fjórtán prósent eru hlynnt stofnun íslensks hers og svipað hlutfall er hvorki hlynnt því né andvígt.

Þetta kemur fram í nýjum þjóðarpúlsi Gallups en Ríkisútvarpið greinir frá. Þar kemur einnig fram að karlar séu frekar fylgjandi því að stofnaður verði her, um 20 prósent þeirra á móti aðeins átta prósentum kvenna.

Nokkurn mun má sjá á afstöðu fólks til stofnun íslensks hers eftir því hvaða stjórnmálaflokk það segist helst mundu kjósa.

Af þeim sem sögðust helst mundu kjósa Miðflokkinn eru um 24 prósent hlynnt stofnun hers en kjósendur Sósíalistaflokksins eru flestir andvígir stofnun hers eða um 94 prósent.

Könnunin var gerð 21. mars til fyrsta apríl.

Skoðanakannanir Hernaður Öryggis- og varnarmál

Mest lesið


Fleiri fréttir

Sjá meira


×

Mest lesið