Enn þjar­mað að Flokki fólksins vegna styrkjamálsins

Hildur sagði að Daði Már Kristófersson fjármálaráðherra hafi útskýrt gagnvart þinginu að hann muni ekki gera kröfu til Flokks fólksins um endurgreiðslu ólögmætra styrkja þeim til handa vegna þess að flokkurinn hafi verið í góðri trú.

„Nú hefur komið í ljós að bæði ríkið leiðbeindi Flokki fólksins hvernig beri að haga sér til að eiga rétt á þessum styrkjum. Og ekki nóg með það, fjármálaráðherra fékk tölvupóst 23. janúar síðastliðinn frá ríkisendurskoðun þar er tilkynnt er að Flokkur fólksins hafi fengið fengið þessa leiðbeiningu og hafi því alls ekki veirð í góðri trú. Þessi póstur barst áður en fjármálaráðherra tjáði sig með þeim hætti, sem stangast svo augljóslega á.“

Hvað þýðir að vera í góðri trú?

Hildur óskaðir eftir því að Daði Már kæmi og gerði þinginu grein fyrir því hvernig þetta mætti vera?

Fjöldi þingmanna minnihlutans mætti og tók undir með Hildi. Karl Gauti Hjaltason þingmaður Miðflokksins var þeirra á meðal og og hann sagði að gott væri að vita hvað það að vera í góðri trú þýðir lögfræðilega?

Ingibjörg Isaksen Framsóknarflokki sagði einsýnt að Daði Már hafi talað gergn betri vitund miðað við þær upplýsingar sem nú liggja fyrir. „Þetta skiptir miklu máli fyrir trúverðugleika alþingis.“

Daði Már í útlöndum

Þorsteinn B. Sæmundsson Miðflokki mætti einnig í pontu og tók undir þá beiðni að fjármálaráðherra væri viðstaddur og útskýrði hvers vegna hann ákvað að greiða úr ríkissjóði háar fjárhæðir þegar ríkisendurskoðandi var búinn að vara við, að þetta samræmdist ekki reglum. 

Hann minnti á að Inga Sæland, formaður Flokks fólksins hefði mætt í viðtal og sagðist þá hafa vitað af þessu en seinna dregið það til baka. „Það er ljóst að Flokkur fólksins var ekki í góðri trú.“

Sigmar Guðmundsson Viðreisn sagði það ekki sanngjarnt að halda því fram að Daði Már væri að víkja sér undan fyrirspurnum. Hann væri einfaldlega nú að stýra löngu boðuðum fundi í útlöndum og hlyti að vera löglega afsakaður.

Og Sigurjón Þórðarson Flokki fólksins lýsti því yfir að stjórnarandstaðan væri enn og aftur að þyrla upp moldviðri um lítið annað en formsatriði.