Lífið

Eyjaherrar heiðruðu sjö­tugan Ás­geir í stjörnufans

Kolbeinn Tumi Daðason skrifar
Guðmundur Torfason greip í gítarinn og söng fyrir gesti. Ásgeir Sigurvinsson í bakgrunni og ekki að sjá að hann sé orðinn sjötugur.
Guðmundur Torfason greip í gítarinn og söng fyrir gesti. Ásgeir Sigurvinsson í bakgrunni og ekki að sjá að hann sé orðinn sjötugur. Sigurjón Ragnar

Knattspyrnudeild ÍBV hélt herrakvöld í félagsheimili Víkings í Safamýri í Reykjavík á föstudagskvöld þar sem Ásgeir Sigurvinsson var sérstakur heiðursgestur. Var honum þakkað sérstaklega fyrir hans framlag til íslenskar knattspyrnu í tilefni þess að hann varð sjötugur þann 8. maí. Ásgeir er uppalinn í Eyjum.

Veislustjóri var Martin Eyjólfsson, títtnefndur bjargvættur, og ræðumenn voru þeir Einar Kárason rithöfundur, Halldór Einarsson oftast kenndur við Henson, Ingólfur Hannesson fyrrverandi íþróttafréttamaður og Brynjar Nielsson fyrrverandi alþingismaður.

Ásgeir og Brynjar stilla sér upp.Sigurjón Ragnar

Gripið var í gítarinn að Eyjamanna sið og vel tekið undir. Stemmningin var mikil eins og sjá má á myndunum sem Sigurjón Ragnar tók. Uppboð fór fram á treyjum og skálað var oftar en einu sinni og oftar en tvisvar. 

Arnór Guðjohnsen og Ásgeir Sigurvinsson voru bestu knattspyrnumenn Íslands á áttunda og níunda áratug aldarinnar.Sigurjón Ragnar

Fjölmargir góðkunningjar Ásgeirs, með mismiklar tengingar við Eyjuna fögru, létu sjá sig og tóku þátt í gleðinni. Þar mátti sjá fyrrverandi landsliðsmenn, þingmenn, lögmenn, fjölmiðlamenn og viðskiptamenn. Allir í stuði.

Guðni Bergsson spilaði með Ásgeiri í landsliðinu. Hér eru þeir með Martini veislustjóra.Sigurjón Ragnar
Ásgeir og Logi Ólafsson þjálfuðu íslenska landsliðið saman snemma á þessari öld.Sigurjón Ragnar
Ingólfur Hannesson og Einar Kárason ásamt herra í gömlum Stuttgart búningi. Ásgeir lék með Stuttgart um árabil. Sigurjón Ragnar
Guðni Th. Jóhannesson fyrrverandi forseti Íslands og nú landvörður í hlutastarfi á Þingvöllum lét sjá sig. Það gerði Jón Steinar Gunnlaugsson hæstaréttarlögmaður líka.Sigurjón Ragnar
Framararnir og vinirnir Einar Kárason og Friðrik Þór Friðriksson. skáluðu með Eyjamönnum.Sigurjón Ragnar
Mikil stemmning var á kvöldinu. Hér er Ásgeir og lengst til hægri Ásgeir Aron sonur hans sem var einnig öflugur knattspyrnumaður.Sigurjón Ragnar
Ólafur Harðarson prófessor í stjórnmálafræði og Bogi Ágústsson fréttamaður.Sigurjón Ragnar
Henson kann að segja sögur.Sigurjón Ragnar
Magnús Gylfason þjálfaði í Eyjum um árabil. Hér er hann með Eyjólfi Sverrissyni, Kristni Kjærnested og Guðmundi Kristjánssyni, kenndur við Brim.Sigurjón Ragnar
Það var vel tekið undir í félagsheimili Víkings í Safamýri þar sem Fram var til húsa um árabil.Sigurjón Ragnar
Gummi Torfa búinn að láta öðrum eftir gítarspilið og einbeitir sér að söngnum með Ásgeiri og Martini.Sigurjón Ragnar

Fleiri myndir úr smiðju Sigurjóns Ragnars má sjá í myndaalbúminu að neðan.

Tímamót ÍBV Vestmannaeyjar Samfélagsmiðlar


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.