UEFA breytir reglu í Meistara­deildinni

Meistaradeildin fór í vetur fram í fyrsta sinn undir nýju fyrirkomulagi og breytingarnar þóttust heppnast mjög vel. Félögum var fjölgað um fjögur, upp í 36, og liðin spiluðu öll í einni deild.

Átta efstu liðin komust beint í átta liða úrslitin en liðin í sætum níu til 24 spiluðu síðan um hin átta sætin í sextán liða úrslitunum.

UEFA ætlar að gera eina breytingu á reglu sem sér til þess að félögin græði enn meira á því að enda í einu af átta efstu sætunum.

Hér eftir verður það þannig að liðin í átta efstu sætunum verða með heimavallarrétt fram í undanúrslitin. Það þýðir að þau munu fá seinni leikinn á heimavelli sínum og þar með framlengingu eða vítakeppni á heimavelli þurfi slíkt til að ná fram úrslitum.

Á síðasta tímabilið þá voru þau á heimavelli í sextán liða úrslitunum en drátturinn var frjáls eftir það. Nú fá þessi topp átta lið seinni leikinn á heimavelli fram í undanúrslitin.

Í undanúrslitum í ár komust Paris Saint-Germain og Internazionale áfram í úrslitaleikinn eftir að hafa verið bæði á heimavelli í seinni leik undanúrslitanna. Þau slógu þarna út Arsenal (3. sæti) og Barcelona (2. sæti) sem enduðu ofar í deildarkeppninni. 

Samkvæmt þessari nýju reglu þá hefðu Arsenal og Barcelona verið á heimavelli í seinni leiknum en ekki öfugt.

Mótanefnd Meistaradeildarinnar er búin að samþykkja þessa reglubreytingu en hún verður þó ekki endanleg fyrr en framkvæmdanefnd UEFA vottar hana á fundi sínum í haust. Það verður þó að teljast afar ólíklegt að framkvæmdanefndin grípi eitthvað í taumana.