Ragga nagli í hlut­verk fjall­konu í Dan­mörku

Frá þessu var greint í tilkynningu á Facebook-síðu Íslendingafélagsins í Kaupamannahöfn.

Ragnhildur er Íslendingum að góðu kunn sem áhrifavaldur, pistlahöfundur og fyrirlesari. Hún skrifar reglulega á miðla sína með léttum og fróðlegum hætti, þar sem hún leggur áherslu á heilbrigðan lífsstíl, jákvæða hugsun og nytsamleg heilræði fyrir daglegt líf.

Hún hefur verið búsett í Danmörku síðastliðin sextán ár ásamt eiginmanni sínum, Snorra Steini Þórðarsyni arkitekt.

Ragga deilir gleðitíðindunum á Instagram-síðu sinni þar sem hún skrifar: „Ég er mjög upp með mér að fá þann heiður að vera Fjallkonan þann 17. júní.“

„Fjall­kon­an okk­ar í ár er eng­in önn­ur en Ragga Nagli, eða Ragn­hild­ur Þórðardótt­ir eins og hún heit­ir fullu nafni. Hún er Íslend­ing­um að góðu kunn sem kraft­mik­ill fyr­ir­les­ari og áhrifa­vald­ur.

Ragga er menntaður sál­fræðing­ur með áherslu á heilsusál­fræði, auk þess að vera einkaþjálf­ari og mik­ill mat­gæðing­ur. Hún hef­ur í gegn­um árin staðið fyr­ir fjölda fyr­ir­lestra um lík­ams­mynd, sjálfs­styrk­ingu og já­kvætt hug­ar­far.

Ragga er þekkt fyr­ir ein­læg­an og bein­skeytt­an stíl, með húm­or, inn­sæi og mikla nær­veru og hef­ur hvatt fjölda fólks til að standa með sjálfu sér. Hún er einnig mjög virk á sam­fé­lags­miðlum, þar sem hún miðlar visku og hvatn­ingu til fjöl­margra fylgj­enda.

Við erum afar stolt að fá hana sem fjall­konu á Þjóðhátíðar­degi Íslend­inga í Dan­mörku og hlökk­um til að heyra henn­ar inn­blásnu orð við Ama­ger­strönd þann 14. júní,” seg­ir í til­kynn­ing­unni.