Innlent

Sund­höllinni lokað vegna reyks

Árni Sæberg skrifar
Slökkvilið og lögregla eru á vettvangi.
Slökkvilið og lögregla eru á vettvangi. Vísir/Oddur

Slökkvilið höfuðborgarsvæðisins var að störfum í kjallara Sundhallar Reykjavíkur vegna reyks og brunalyktar fyrr í morgun. Ekki var talin hætta á ferð en lauginni hefur þó verið lokað um óákveðinn tíma.

Vakthafandi varðstjóri hjá slökkviliðinu segir að slökkviliðsmenn leitað af sér grun um eld í kjallaranum. Líklegast hafi reykjarslæða og brunalykt stafað frá vél í kjallaranum, reim hefði brunnið yfir eða eitthvað á þá leið.

Að sögn starfsmanns í afgreiðslu Sundhallarinnar hefur öllum gestum laugarinnar verið vísað upp úr og lauginni lokað. Ekki liggi fyrir hversu lengi þurfi að halda lauginni lokaðri.

Uppfært klukkan 10:45: Að sögn starfsmannsins er slökkvilið nú farið af vettvangi. Laugin sé þó enn lokuð á meðan leitað er að bilun í tækjarými sundlaugarinnar.

Slökkvilið Reykjavík Sundlaugar og baðlón

Mest lesið


Fleiri fréttir

Sjá meira


×

Mest lesið