Máttu ekki tjalda á Arnarhóli

Í dagbók lögreglu segir að lögreglumenn hafi farið og rætt við einstaklingana og tjáð þeim að þeir mættu ekki tjalda á Arnarhóli. Þeir hafi sýnt því skilning og lofað að færa tjaldið.

Þá segir að lögregla hafi handtekið fjóra einstaklinga í Reykjavík vegna gruns um að vinna hér á landi án leyfis. Allir voru þeir vistaðir í fangaklefa í þágu rannsóknar. 

Lögregla mætti einnig á vettvang vinnuslyss, þar sem einn var fluttur á bráðamóttöku til aðhlynningar.

Í Reykjavík var annar einstaklingur kærður fyrir brot á vopnalögum fyrir að mæta með sverð til vinnu.