Gáfu fjöl­skyldu Víg­lundar draumavél feðganna

„Það er ómetanleg að finna hve margir eru tilbúnir að hjálpa til við að létta fjárhagsáhyggjum af fjölskyldunni á þessum erfiðu tímum,“ segir í færslu á Facebooksíðu félagsins.

Víglundur lést þegar dráttarvél sem hann var í rann af háum bakka og féll í Hvítá.

Söfnunin er sögð ganga mjög vel en henni er ekki enn lokið.

Sjá einnig: Hefja söfnun fyrir fjölskyldu Víglundar

Afturrúða dráttarvélarinnar var sérstaklega merkt: „Fyrir Víglund, frá vinum og velunnurum.“

Í færslunni segir einnig að augljóst hafi verið þegar dráttarvélin, sem er af gerðinni John Deer 6120M, var afhent fjölskyldunni að þungu fargi hafi verið létt af foreldrum Víglundar. Þau hafi ekki þurft að nota dýrmætan tíma í allri sorginni í að finna og fjármagna nýja dráttarvél, sem er þeim nauðsynleg.