„Kær­komin ró“ yfir höfuð­borgar­svæðinu

Þetta kemur fram í tilkynningu frá lögreglunni á höfuðborgarsvæðinu þar sem segir frá verkefnum lögreglu frá klukkan 17 í gær og til fimm í morgun.

Þar segir að til rannsóknar séu ásakanir um að bíl hafi verið ekið eftir gangstíg og vísvitandi á hjólreiðamann í Grafarvogi.

„Lögregla ræddi bæði við hjólreiðamanninn og ökumann bifreiðarinnar og var þar orð gegn orði um atburðarásina. Hjólreiðamaðurinn slasaðist ekki og hjólið virtist óskemmt. Málið er til rannsóknar,“ segir í tilkynningunni.

Þá segir að tilkynnt hafi verið um ungmenni vopnuð hnífi sem hafi verið á gangi um hverfi 101. Lögregla hafi leitað þeirra en þau fundust ekki. „Aðeins barst ein tilkynning um ungmennin og því dró lögregla úr viðbragði þegar ekkert spurðist frekar til þeirra.“

Loks segir að ökumaður hafi verið handtekinn vegna gruns um ölvunarakstur á sendibíl í hverfi 111 og hafi hann mælst með 2,27 prómill í blóðinu sem sé mjög mikið. Hann var látinn laus að lokinni blóðsýnatöku.