Hótelharmleikur, áfengisleyfi í ó­lagi og hittaramessa

Þar segjum við einnig frá áframhaldandi árásum sem ganga á milli Írans og Ísraels, og sjáum þegar höfuðstöðvar íranska ríkissjónvarpsins urðu fyrir sprengjuárás í beinni útsendingu.

Forseti ÍSÍ segir ótækt að íþróttafélag selji áfengi á íþróttaviðburðum án þess að hafa til þess leyfi. Heilbrigðisráðherra segir öfugþróun vera hér á landi og segir vín og íþróttir ekki haldast í hendur. Í kvöldfréttum verður einnig rætt við sérfræðing í flugmálum, sem greinir hvers vegna tvö rótgróin félög hættu flugrekstri á mjög skömmum tíma.

Við hitum upp fyrir hátíðarhöld í tilefni af 17. júní, og tökum stöðuna á hvernig gengur að gera allt tilbúið í miðbænum. Þá kynnum við okkur heldur óhefðbundna kennslustund, þar sem fyrrverandi forseti var meðal nemenda, og kíkjum í Háskólabíó, þar sem einn ástsælasti poppari landsins tryllir lýðinn í kvöld.

Þetta og fleira í kvöldfréttum Sýnar í opinni dagskrá á Sýn, Vísi og Bylgjunni á slaginu 18:30