Sport

Jóna Margrét kemur heim frá Spáni

Óskar Ófeigur Jónsson skrifar
Jóna Margrét Arnarsdóttir með Miguel Mateo Castrillo þjálfara KA-liðsins.
Jóna Margrét Arnarsdóttir með Miguel Mateo Castrillo þjálfara KA-liðsins. @blakdeildka

Íslandsmeistarar KA í blaki kvenna fá mikinn liðstyrk fyrir komandi tímabil en félagið er að endurheimta eina af dætrum félagsins.

Jóna Margrét Arnarsdóttir er nefnilega að snúa aftur heim úr atvinnumennsku.

Jóna sem var kjörin íþróttakona KA árið 2022 snýr aftur heim eftir tvö ár á Spáni en auk þess að spila með blakliði KA tekur hún við sem verkefnisstjóri blakdeildar.

Jóna sem er uppalin hjá KA tók sín fyrstu skref í meistaraflokki aðeins tólf ára gömul og hefur unnið allt sem hægt er að vinna með KA.

KA-konur urðu í vor Íslandsmeistarar fjórða árið í röð og í fimmta skiptið alls.

Blak KA

Mest lesið


Fleiri fréttir

Sjá meira


×

Mest lesið