Skjálfti fannst í Hveragerði

Samkvæmt tilkynningu frá Veðurstofu Íslands varð skjálftinn kl. 15.58 á Hengilssvæðinu af stærð 2,9. Nokkrir litlir skjálftar hafi fylgt í kjölfarið. Veðurstofunni hafi borist tilkynningar um að skjálftinn hafi fundist í Hveragerði. 

Jarðskjálftar séu algengir á svæðinu en þann 26. maí varð skjálfti af stærð 3,3 á svipuðum slóðum. 

„Þetta er virkt jarðhitasvæði og þetta fylgir þeim. Svo er þetta líka vestasti hluti suðurlandsbrotabeltisins. Þannig að það eru alltaf hreyfingar,“ segir Ingibjörg Andrea Bergþórsdóttir náttúruvársérfræðingur í samtali við fréttastofu.

Fréttin hefur verið uppfærð.