Íslenski boltinn

Þór­dís Elva og Guðni valin best í fyrri um­ferðinni

Óskar Ófeigur Jónsson skrifar
Þórdís Elva Ágústsdóttir á fleygiferð með Þrótti í leik á móti Íslandsmeisturum Blika.
Þórdís Elva Ágústsdóttir á fleygiferð með Þrótti í leik á móti Íslandsmeisturum Blika. Vísir/Pawel

Bestu mörkin gerðu upp fyrstu níu umferðir Bestu deildar kvenna í fótbolta í síðasta þætti sínum og völdu þau sem hafa staðið sig best.

Helena Ólafsdóttir og sérfræðingar hennar voru á því að Þróttarinn Þórdís Elva Ágústsdóttir hafi verið besti leikmaður fyrri umferðarinnar.

Þórdís Elva kom heim úr atvinnumennsku og fór í Þrótt. Hún er með þrjú mörk og eina stoðsendingu í fyrstu níu leikjum tímabilsins, hefur verið mikil orkubolti á miðju liðsins og Þróttaraliðið er í titilbaráttunni.

Besti þjálfarinn var valinn Guðni Eiríksson, þjálfari FH. FH-konur hafa komið mörgum á óvart með frábærri frammistöðu sinni en liðið er með 22 stig á toppnum ásamt Breiðabliki og Þrótti.

Þórdís Elva er að sjálfsögðu í úrvalsliðinu en leikmennirnir í því koma úr fjórum félögum eða Þrótti (4), Breiðabliki (4), FH (2) og Þór/KA . Það má sjá úrvalsliðið hér fyrir neðan.

Sýn
Besta deild kvenna Bestu mörkin Þróttur Reykjavík Breiðablik FH Þór Akureyri KA

Mest lesið


Fleiri fréttir

Sjá meira


×

Mest lesið