Frum­flutti nýtt lag á FM957: „Þetta er bara winning lag“

Logi er nýbúinn að skrifa undir fjögurra ára samning hjá tyrkneska fótboltafélaginu Samsunspor eftir tveggja ára veru hjá Strömsgodset í Noregi. Liðið lenti í þriðja sæti í Tyrklandi í vor og verður því með í Evrópukeppni næsta tímabil.

Gefur út lag í sumarfríinu

Logi er nú í rúmlega tveggja vikna sumarfríi á Íslandi áður en hann heldur til Tyrklands. Logi var til viðtals í Brennslunni á FM957 í morgun þar sem hlustendur fengu að heyra nýja lagið.

„Ég er bara helvíti ferskur, fékk góðan svefn í nótt og er mjög góður. Ég fæ svona tvær vikur í viðbót í sumarfrí, svo bara back at it.“

Logi segir að það reyni mikið á hausinn að vera atvinnumaður í fótbolta.

„Ég myndi segja við þá sem eru að fara út, þú þarft að vera með ógeðslega sterkan haus í þessu. Auðvitað þarftu að vera góður í fótbolti og allt það, en þetta reynir miklu meira á hausinn en getuna í fótbolta.“

Þú býrð einn, er þetta einmana líf að einhverju leyti?

„Jájá á mjög margan hátt Sérstaklega fyrir mig, ég hef tónlistina þegar ég er á Íslandi, þá svona kannski hittar þetta ennþá meira. Þegar Patti var að taka Skína endalaust, ég hefði getað verið með í þessu bulli.“

Logi, eða Luigi, gaf í morgun út lagið LYFTESSU sem gefið var út í samstarfi við Sýn.

„Þetta er geðveikt lag, lyftessu heitir lagið, þetta er bara winning lag.“

Um tildrög lagsins segir Logi að Kristjana hjá Sýn hafi haft samband við hann.

„Ég hitti hana í Drammen þar sem ég bjó. Ég var bara eitthvað að borða einn og síðan er eitthvað par við hliðina á mér, og ég heyrði þau tala íslensku og ég byrjaði að spjalla aðeins við þau. Hún sagði mér að hún væri að vinna hjá Sýn.“

„Svo fékk ég bara skilaboð um að hún vildi að ég myndi gera lag.“

„Ég átti þetta Demo, svo saðgi ég við Saint Pete, heyrðu þú verður að vera á þessu lagi, þetta er fullkomið fyrir þig, þetta er uptempo lag.“

Segir Logi svo að Ágúst Karel og Jóhann Ágúst hafi framleitt lagið.

„Þetta er mjög góð blanda.“

Vísir er í eigu Sýnar