Innlent

Svifvængjaflugslys við Reynis­fjall

Jón Ísak Ragnarsson skrifar
Einn var fluttur á slysadeild.
Einn var fluttur á slysadeild. Aðsend

Einn var fluttur með þyrlu Landhelgisgæslunnar á spítala í Reykjavík eftir slys við svifvængjaflug við Reynisfjall á Suðurlandi um klukkan 14:30. Maðurinn hlaut einhverja áverka en er með meðvitund og ekki í lífshættu.

Þetta segir Magnús Ragnarsson, aðalvarðstjóri hjá lögreglunni á Suðurlandi í samtali við fréttastofu en RÚV greindi fyrst frá.

Tildrög slyssins séu til rannsóknar og lítið liggi fyrir í þeim efnum.

Hann segir að Landhelgisgæslan hafi verið í eftirliti með lögreglu uppi á hálendi í morgun og hún hafi verið mjög snögg á staðinn eftir að tilkynning barst. Hún hafi mætt um svipað leyti og björgunarsveitir.

Magnús segir að svifvængjaflug sé mikið stundað á þessum slóðum, og þessa helgi sé eitthvað mót í gangi.

Landhelgisgæslan Mýrdalshreppur

Mest lesið


Fleiri fréttir

Sjá meira


×

Mest lesið