„Á­vísun á ánægju­leg við­skipti“

Okkur langaði að spjalla aðeins við Sigga og heyra frá honum hvernig salan hefur gengið, hvernig markaðurinn er og aðeins um Toyota Kauptúni sem fyrirtæki.

Er sumartíminn mesti annatíminn þegar kemur að sölu á notuðum bílum?

„Salan hefur verið nokkuð jöfn hjá okkur yfir árið,“ segir Siggi. „Hins vegar þegar líður að sumrinu þá fara landsmenn að huga að ferðalögum innanlands og vilja finna sér góðan og öruggan ferðabíl. Þá eykst eftirspurn eftir jeppum og jepplingum sem hafa góða dráttargetu, eins og Land Cruiser og Rav 4. Við höfum auk þess fundið síðustu misserin fyrir auknum áhuga viðskiptavina okkar á umboðssölu. Viðskiptavinir okkar eru farnir að nýta sér þann möguleika fyrir Toyota og Lexus bíla í síauknu mæli og hefur það gengið hreint frábærlega.“

Hvað ber helst að hafa í huga þegar notaður bíll er keyptur?

„Að okkar mati þá er gríðarlega mikilvægt að viðskiptavinir okkar upplifi öryggi og hugarró í viðskiptum við okkur. Kaup á notuðum bíl eiga að vera eins ánægjuleg og þegar um nýjan bíl er að ræða. Til þess að það heppnist þarf ástand bílsins og þjónustusaga að vera í góðu standi og ekkert á að koma á óvart. Því er mikilvægt að fólk láti framkvæma vandaða söluskoðun á bílum áður en þeir eru keyptir sem og að kynna sér vel þjónustusögu bílanna. Það er ávísun á ánægjuleg viðskipti.“

Hvaða tegundir eru vinsælastar í dag?

„Það hefur eiginlega verið mjög góð sala í öllum gerðum,“ segir Siggi. „Sérstaklega má þó nefna Land Cruiser, Rav 4, Highlander og bZ4X rafbílinn. Síðasta en ekki síst eru það allir Hybrid fólksbílarnir en við erum með mjög breiða línu af sparneytnum og skemmtilegum Hybrid bílum sem hafa verið mjög vinsælir.

Proace línan okkar er líka mjög breið og er að finna þar útfærslur sem henta öllum, hvort sem um er að ræða stórar fjölskyldur sem þurfa 7-9 sæti eða verktaka sem vilja öflugan og öruggan sendibíl. Proace getum við boðið hvort sem er bensín, dísel eða rafdrifinn, við getum leyst þetta allt.“

Eruð þið bara að selja notaða Toyota og Lexus bíla eða seljið þið fleiri tegundir?

„Hjá Toyota og Lexus í Kauptúni tökum við aðrar gerðir bíla upp í. Við hins vegar sérhæfum okkur í vörulínu Toyota og Lexus og seljum bara Toyota og Lexus bíla hvort sem er í umboðssölu fyrir einstaklinga og fyrirtæki eða uppítökubíla sem við eigum sjálfir.

Starfsfólk okkar öðlast þannig mjög djúpa og góða þekkingu á Toyota og Lexus sem nýtist mjög vel, ekki síst í tengslum við umboðssöluna. Allir eigendur Toyota og Lexus bíla eru að sjálfsögðu velkomnir til okkar ef þeir eru að velta fyrir sér að endurnýja bílinn og við aðstoðum með glöðu geði.“

Hvað aðgreinir þjónustu og úrval ykkar frá öðrum sem selja notaða bíla?

„Hjá Betri notuðum bílum vinnum við eftir stöðlum sem Toyota í Evrópu setur okkur,“ bætir Siggi við. „Við seljum bæði bíla í okkar eigu skilgreinda sem Betri notaða bíla sem og bíla í umboðssölu fyrir einstaklinga og fyrirtæki.

Allir Betri notaðir bílar hafa farið í gegnum 145 punkta ábyrgðar- og gæðaskoðun og eru seldir með allt að 7 ára ábyrgð. Að sama skapi eru þeir með viðurkennda eigenda- og þjónustusögu og hafa staðist ýtrustu gæðakröfur okkar. Vegaaðstoð í eitt ár fylgir Betri notuðum bílum og hægt er að kaupa sérstaka Toyota/Lexus tryggingu hjá okkur fyrir bílinn. Ef þér líkar svo ekki bíllinn einhverra hluta vegna þá er sjö daga skiptiréttur á honum.“

Svo er náttúrulega aðalmálið það frábæra starfsfólk sem vinnur hjá Toyota segir Siggi að lokum. „Hér starfar reynslumikið og flott starfsfólk sem nýtur þess að veita framúrskarandi þjónustu. Svo finnst okkur líka ótrúlega gaman að hitta alla viðskiptavinina hér á hverjum degi og aðstoða þá að finna draumabílinn.“