Kylfusveinninn græðir meiri pening en meðalkylfingurinn á PGA

Kylfusveinn besta kylfings heims getur að minnsta kosti ekki mikið kvartað.

Scott er kylfusveinn bandaríska kylfingsins Scottie Scheffler sem vann The Open, Opna meistaramótið, í Norður Írlandi um síðustu helgi.

Þetta var annað risamótið sem Scheffler vinnur í ár og það fjórða sem hann vinnur á ferlinum. Yfirburðir Scheffler eru það miklir að menn eru farnir fyrir alvöru að líkja honum við Tiger Woods á sama tíma á hans ferli.

Scheffler hefur unnið sér inn rúmar nítján milljónir dollara á þessu tímabili eða meira en 2,3 milljarða íslenskra króna.

Kylfusveinar frá vanalega um tíu prósent af verðlaunafénu. Það þýðir að Ted Scott er búinn að vinna sér inn 1,9 milljónir dollara á þessu tímabili eða meira en 230 milljónir króna.

Það sem gerir þessa tölu enn athyglisverðari er að meðalkylfingurinn á PGA mótaröðinni hefur unnið sér inn 1,7 milljónir dollara í ár eða minna en kylfusveinn Scheffler er kominn með í sinn vasa í ár.