Siggi Raggi for holu í höggi á vellinum þar sem Ís­lands­mótið fer fram

Sigurður Ragnar, sem er sá þjálfari sem hefur náð bestum árangri með íslenska kvennalandsliðið í knattspyrnu, en hann þjálfaði síðast lið Keflavíkur í Bestu deildinni sumarið 2023.

Hann hefur ekki þjálfað meistaraflokkslið undanfarin ár og meiri frítími hefur augljóslega farið í golfið ef marka má tilþrif hans um helgina.

Siggi Raggi sagði frá því á samfélagsmiðlum að hann hafi farið holu í höggi á sjöttu holu á Hvaleyrarvelli í Opna 66°Norður golfmótinu.

Sjötta holan er 130 metra löng og er í hrauninu. Hún heitir Gjótan og er falleg par þrjú hola sem lætur engan ósnortinn eins og fram kemur á síðu Keilis.

„Flötin sést aðeins að hluta til frá teignum þar sem að hátt hraunið skyggir á. Örlítil braut liggur vinstra megin með hrauninu en ef teighöggið á að fara á flötina þarf að slá hátt og hnitmiðað högg sem stöðvast fljótt. Það hjálpar þó til að flötin hallar örlítið frá teignum. Hraunið liggur nálægt flötinni hægra megin og fyrir aftan og geta “slæsarar” því átt í erfiðleikum með hana þessa,“ segir um sjöttu holuna á heimasíðu Keilis.

Það verður einmitt spilað á þessari holu og hinum sautján á Hvaleyrarvellinum í byrjun næsta mánaðar þegar Golfklúbburinn Keilir heldur Íslandsmótið í golfi.

Sigurður Ragnar sýndi myndband sem Hilmar Þórlindsson, fyrrum handboltakempa og æskuvinur hans, tók af því þegar þjálfarinn fann kúluna sína í holunni og fagnaði vel. Það má sjá þetta myndband hér fyrir neðan.