Gunn­laugur Árni komst á­fram á U.S. Amateur

Gunnlaugur lék fyrri hring höggleiksins á tveimur höggum undir pari og þann seinni á tveimur höggum yfir pari.  Golfsambandið segir frá afrekum Gunnlaugs á heimsíðu sinni.

Hann var því á pari eftir hringina tvo, sem skilaði honum fjórtándi sæti höggleiksins. Hinn bandaríski Preston Stout sigraði höggleikinn á átta höggum undir pari, eftir frábæran seinni hring.

U.S. Amateur mótið er árlegt mót á vegum bandaríska golfsambandsins. Mótið í ár fer fram á hinum sögufræga The Olympic Club dagana 11.-17. ágúst. 

Á fyrstu tveimur hringjum mótsins er leikinn höggleikur. Allir kylfingar leika einn hring á Lake Course vellinum og einn hring á Ocean Course vellinum.

Efstu 64 kylfingar höggleiksins halda áfram í holukeppni mótsins, sem alfarið er leikin á Lake Course vellinum. Útsláttarkeppnin fer fram yfir fimm daga, og lýkur með 36 holu einvígi síðustu tveggja kylfinganna, sunnudaginn 17. ágúst.

Seinni hringur Gunnlaugs í höggleiknum var á Lake Course vellinum, sem er bæði lengri og erfiðari en Ocean Course völlurinn. 

Gunnlaugur fékk tvo skolla á fyrstu þremur holunum en lék vel eftir það. Hann fékk tvo fugla og einn tvöfaldan skolla á síðustu fimmtán holunum, og lauk hringnum því á tveimur höggum yfir pari.

Nú standa einungis sex sigrar á milli Gunnlaugs og sigurs í mótinu. Verðlaunin eru svo ekki af verri endanum. Sigurvegari mótsins fær: Boð í Masters mótið, sæti í U.S. Open á næsta ári og sæti í Opna breska á næsta ári.